На почетокот од овој месец, Русија го официјализираше законот што им овозможува да го цензурираат интернетот. Во петокот беше донесен нов закон со кој се забранува продажба на телефони, компјутери и паметни телевизори во Русија кои немаат инсталиран руски софтвер. Овие уреди ќе можат да продаваат со вообичаениот софтвер, но исто така ќе треба да понудат и руски алтернативи. Ова е прилично контроверзна одлука, бидејќи многу од понудените уреди денес немаат можност да го сторат тоа, што веројатно ќе значи дека многу меѓународни компании едноставно ќе се откажат од рускиот пазар.
Идејата која стои зад овој закон е да им овозможи на корисниците да направат избор, рече еден од иницијаторите на законот, Олег Николаев. „Кога купуваме комплексни електронски уреди, тие имаат претходно инсталирани индивидуални апликации, претежно со западно потекло“, рече тој. „Корисниците природно би помислиле дека нема домашни алтернативи за ова. Затоа, ако им понудиме и алтернатива на руските апликации, тие ќе имаат избор “.
Колку е ова непрактично, се илустрира со фактот дека многу компании не дозволуваат апликациите од некои други компании да бидат инсталирани на нивните уреди. На пример, Apple нешто такво би сметал како еквивалент на jailbreak. Впрочем, тоа е и целосно непрактично, бидејќи отвора многу можности за безбедносни пропусти, па затоа се очекува повеќето компании да не ги толерираат ваквите ризици.