LG ги претстави своите први безжични слушалки

LG ги претстави своите први целосно безжични слушалки – Tone+ Free, кои нудат можност за брзо полнење и Meridian Audio звук.

Според компанијата, слушалките ќе понудат автономија до шест часа со едно полнење, а исто така се опремени со систем за потиснување на бучава што ќе го подобри квалитетот на спроведените преку нив разговори.
Полнењето се случува преку обвивка за носење, а корпусот е IPX4 сертифициран за отпорност на вода, што ќе им овозможи да се користат на дожд.

Управувањето со музичка репродукција, стартувањето на гласовен асистент, и одговарањето и одбивањето на повици се врши преку зоните на допир од страните на двете слушалки.

LG Tone + Free ќе биде достапен во Јужна Кореја од 28 октомври во бела, а од ноември во црна боја со цена од 259.999 вони (199 евра). Во оваа фаза, тие ќе бидат достапни само во источната земја, а засега нема информации дали ќе се појават во други региони.