По неколкиу недели тизери и навестувања, OnePlus TV конечно е и официјално претставен. Во прашање е 55-инчен телевизор со QLED панел, а кинеската компанијата истакнува дека телевизорот има складен, минималистички дизајн со екран речиси без рамки.

OnePlus TV нуди quantum dot бои, а има поддршка за Dolby Vision и HDR10+, иако компанијата не објави детали за техничките аспекти на телевизорот. Она што тврди OnePlus е дека распонот на боите е најдобар во класата помеѓу QLED конкуренцијата.

Присутен е и систем од осум звучници, за кој OnePlus истакнува дека пружа „нестварно опкружувачко искуство на звук”, преку Dolby Atmos поддршка. Звучникот се спушта од дното на телевизорот и се вовлекува во телото на ТВ уредот кога не е во употреба.

За софтверската поддршка е задолжен Android TV, а работи во тандем со OnePlus телефоните. Тука е и поддршката за Google Assistant и Alexa сервисите. OnePlus Connect апликацијата за телефони може да се користи за уште понапредни функции.

OnePlus TV е официјално објавен за индискиот пазар, каде што ќе се продава по цена од речиси 1000 долари за OnePlus TV Q1, односно околу 1400 долари за OnePlus TV Q1 Pro, кој има моторизиран саундбар. Најавена е глобална достапност на уредот, но не е објавено кога OnePlus TV ќе се појави на другите пазари.