Индискиот лунарен лендер со кој беше изгубен контакт неколку мига пред превиденото време за спуштање на Месечината во почетокот на месецов, имал „грубо слетување“, соопшти НАСА. Во превод за обичните смртници, тоа значи дека се срушил.
На новите објавени фотографии на кои се гледа одбраната локација за слетување на лендерот, леталото го нема никаде на видик.
Во случај мисијата да беше успешна, Индија ќе станеше четвртата нација која успешно слетала на Месечината. Лендерот Chandrayaan-2 требаше да слета на површината на Месечината на 7 септември, еден месец по лансирањето.
Our @LRO_NASA mission imaged the targeted landing site of India’s Chandrayaan-2 lander, Vikram. The images were taken at dusk, and the team was not able to locate the lander. More images will be taken in October during a flyby in favorable lighting. More: https://t.co/1bMVGRKslp pic.twitter.com/kqTp3GkwuM
— NASA (@NASA) September 26, 2019
Лендерот се доближи до Месечината најнормално, но до грешка дојде на оддалеченост од 2,1 километар од површината.
Леталото на НАСА Lunar Reconnaissance Orbiter (LRO) на 17 септември изврши надлетување на местото каде што требаше да се спушти лендерот и направи неколку фотографии со висока резолуција, но од лендерот ни трага, ни глас.
НАСА ќе направи нови фотографии на локацијата во октомври.
Извор: Klix.ba