Instagram е најновата мобилна апликација која доби Dark mode, иако моментно опцијата не е достапна за сите. Изгледа дека бета верзијата на апликацијата засега е единствена која добива темен режим, а добра вест е што би требало да работи и со Android 10 и со Android 9.0 Pie уредите.
Оние кои користат Pixel телефон со Android 10, пријавија дека кога ќе ја стартуваат системската темна тема, се активира и Instagram Dark Mode. Исто така, новиот темен режим е компатибилен со системскиот Samsung Night Mode на Android 9.0 Pie.
Новиот темен режим за Instagram во бета има и еден проблем. Црната боја во целост ги прекрива информациите за батеријата, времето и иконата за известувања, но се очекува дека ова ќе биде поправено до моментот кога стабилниот build ќе биде подготвен за објава.