Веќе знаеме дека Pixel 4 и Pixel 4 XL пристигнуваат на 15. октомври, а ќе бидат достапни во три бои – црна, бела и портокалова. А сега ги знаеме и официјалните имиња на варијантите на бои на овие телефони.
Според информациите на сајтот 9to5Google, трите варијанти на бои за Pixel 4 линијата ќе бидат Just Black, Clearly White и Oh So Orange. Последната варијанта е прикажана и на билборот на Google во Њујорк.
Ова не е прв пат Google да објавува имиња за боите на своите уреди како споменатите. Компанијата веќе претходно ги нудеше Pixel уредите во Quite Black, Very Silver, Kinda Blue и Not Pink боите.
Информациите за Pixel 4 телефоните во голема мерка се појавуваат во последните недели, а во следните помалку од еден месец би можеле да дознаеме се за смартфоните, така што на Google нема да му остане премногу ново да ни претстави на 15. октомври.