Facebook се повеќе е критикуван за тоа како ги чува и споделува нашите лични информации. И покрај јавната осуда и истрагите, од компанијата продолжуваат со нивните практики. Експертите на GDI Foundation нè информираат за нов проблем на социјалната мрежа што довел до ризик огромен број на сметки.
Нивната истрага покажува дека огромна база на податоци на Facebook е зачувана на сомнителен веб-сервер, дури и без да бидат криптирани. Содржината вклучува лични информации за корисниците, претежно телефонски броеви. Според GDI Foundation, 419 милиони луѓе се изложени на ризик. Оваа бројка е дефинитивно доста вознемирувачка.
Сè уште не знаеме точно како истекле телефонските броеви и колку време се чува оваа информација од јавноста. Добрата вест е дека хостинг компанијата, која ги чувала податоците, веќе го блокирала пристапот до нив. Експертите исто така откриваат дека 133 милиони од погодените корисници се од САД, 50 милиони живеат во Виетнам и околу 80 милиони се државјани на Велика Британија.