Италијанскиот сајт Aggiornamenti Lumia, кој се занимава со теми во врска со Microsoft, објави твит во кој го прикажува изгледот на претстојните икони за изворните Calendar и Mail апликации во Windows 10.

Фотографијата на Calendar апликацијата изгледа многу слично на иконата на Your Phone апликацијата, која беше ажурирана во мај. Доколку новите фотографии на иконите се комбинираат, се добива нешто слично на новата икона за Outlook Mail.

Веб-страницата Aggiornamenti Lumia не објави никакви информации за новите икони, така што не е познато дали тие можеби ќе се појават во наредниот 20H1 Insider build. Microsoft вообичаено измените од овој тип прво им ги овозможува на достапните инсајдери, воглавно преку Microsoft Store надградбите.