Во Донгуан, Кина се одржа тридневната Развојната конференција на Huawei за време на која 600 техничари на Huawei се сретнаа со над 6.000 развивачи и партнери од целиот свет и под мотото „Rethink Possibilities“ разговара за развојот на модерната дистрибуирана технологија и развојот на глобалниот екосистем. Целта на настанот беше разгледување на можноста за создавање нов технолошки екосистем што им дава на луѓето ширум светот најдобро можно потрошувачко искуство.
Во 2010 година, веќе присутен на пазарот за мобилни телефони, Huawei испорача 3 милиони мобилни телефони. Осум години подоцна, тој број е 68 пати поголем! Во првата половина на 2019 година, Huawei продаде 118 милиони паметни телефони, растејќи 24% на годишно ниво, со што компанијата достигна 17,6% удел во светскиот пазар (според IDC).
Овој напредок не се однесува само на паметните телефони, туку тука спаѓаат и таблети, лаптопи и преносни уреди на Huawei кои исто така значително растат, достигнувајќи 530 милиони корисници во 170 земји. До денес, отворената платформа HiAI на Huawei може да се пофали со над 2500 партнери и повеќе од 140 милиони IoT уреди кои поддржуваат HiLink протоколи.
Во текот на годините, Huawei стана технолошки гигант, добивајќи ги потребните ресурси за изградба на следната генерација паметни екосистеми. Нагласувајќи ја својата софтверска моќ, на почетокот на конференцијата, Huawei го презентираше својот нов оперативен систем, HarmonyOS. Неговата револуционерна архитектура означува почеток на нова паметна ера за Internet of Everything.
Ова им обезбедува на програмерите нови алатки, обезбедувајќи го најдоброто можно корисничко искуство во сите можни сценарија кои вклучуваат употреба на вештачка интелигенција.
“HarmonyOS поврзува сè и ја отвора вратата на пазарот за трилиони долари. Системот нема да биде само минлива револуција, тој ќе стане катализатор за сите идни технологии”, рече Ричард Ју, извршен директор на Huawei. “Huawei ќе направи голем напор да внесе иновации во нашите клучни технологии, особено чипови и оперативни системи. Ние ќе се обидеме да ги надминеме главните проблеми во овој бизнис на секој начин, со што ќе го олесниме животот на сите наши клиенти и програмери“, дополни Ричард Ју.
HarmonyOS е оперативен систем со отворен извор и во иднина Huawei целосно ќе ги отвори своите мобилни услуги (HMS) за програмерите ширум светот, со што ќе им овозможи побрз пристап до екосистемот за споделување ресурси.
HarmonyOS смело се насочува кон иднината
Huawei премиерно презентираше два оперативни системи. Еден од нив е микро-кернелот со отворен извор HarmonyOS, кој ќе се воведе најпрво во паметните уреди како што се Huawei Vision и преносните уреди на компанијата, а во наредните години повеќе уреди ќе работат со HarmonyOS. Другиот оперативен систем е Android EMUI 10, кој е наменет за таблети и паметни телефони.
За да се исполнат новите барања за оперативниот систем од претстојната ера на Internet of Everything (IoE), HarmonyOS ги разликува хардверските можности на терминалите и користи дистрибуирани софтверски мрежи за да се поврзе со различни терминали. Ова им овозможува на апликациите лесно да ги користат хардверските можности на периферните уреди за да работат преку истите.
Покрај тоа, HarmonyOS има Интегриран модул за развивачи (IDE) кој им овозможува да спроведат единечен развој за повеќе терминали, што пак создава екосистем кој овозможува размена на податоци меѓу нив. Моторот за управување со латентност и комуникацијата со високи перформанси помеѓу процесите го решаваат проблемот со лошите перформанси на системот. Архитектурата што се користи и формализираните методи ги прави терминалните уреди посигурни и безбедни.
Дистрибуираната технологија на EMUI 10 овозможува висококвалитетно корисничко искуство благодарение на интелигентната интеракција помеѓу различни типови уреди, процес сличен на оној на користење на виртуелна машина. Исто така, развивачите на апликации нема да мора да се справат со разновидноста и сложеноста на различните типови хардвер и ќе биде доволно едноставен за да се развие единствена апликација која ќе работи низ сите терминали.
Моторот за управување со латентност ги штити Android, додека пак дизајнот UX, базиран на човечки фактори, придонесува за одличен интерфејс што во голема мерка го олеснува искуството на корисниците.
Сопствениците на Huawei P30 Pro ќе бидат првите што ќе имаат можност да го испробаат новиот EMUI 10.
Отворен HMS за нов екосистем
Како основa на терминалните мобилни услуги на Huawei, HMS може да им помогне на програмерите да се фокусираат на иновациите и имплементацијата на пристап до единечни точки и интелигентната глобална дистрибуција за сите терминали во сите сценарија. На конференцијата, Huawei најави дека ќе отвори 14 типа на основни можности HMS Core, 51 услуга и 885 API за развивачи ширум светот, со надеж дека ќе изгради нов паметен екосистем. Во моментов има над 43.000 апликации поврзани со HMS Core.
Во септември, Huawei ќе лансира брзи апликации низ целиот свет. Кинеските стандарди за брзи апликации ќе бидат отворени за развивачите низ целиот свет, со цел да обезбедат брз, интерактивен click-to-run искуство без потреба од инсталации. Повеќе од 5.000 услуги се веќе достапни во Huawei Ability Gallery, која работи на кинескиот пазар, а во декември оваа година галеријата ќе стане глобална, со што ќе се обезбеди глобална паметна дистрибуција на услуги со голема брзина.
Huawei, исто така, дозволи глобален пристап до услугата App Gallery Connect, дозволувајќи им на развивачите да вршат ефикасно работење во текот на процесот на планирање, развој, дистрибуција и анализа. Покрај тоа, Huawei ја ажурираше својата програма за Shining Star, зголемувајќи ја својата профитабилност на 1 милијарда американски долари, со што ја прошири програмата од Кина во целиот свет. Huawei е решен да соработува со лидерите во индустријата и да воспостави партнерства за да продолжи да ги поддржува програмерите ширум светот во потрагата по иновации.
Различни алатки како помош за програмерите
За да им помогне на програмерите да ја зголемат својата креативност кога работат со Huawei, брендот ќе им обезбеди поголема поддршка со тоа што ќе им овозможи поразновидни алатки и поголеми можности за споделување преку платформите.
Во однос на мобилните чипови, платформата Kirin ќе отвори уште три опции. Со споделување мултимедијални можности за конвергенција, платформата може да им помогне на развивачите на кратки видео апликации да ги реализираат своите креативни идеи. Со споделување на оваа можност, платформата ги прави апликациите доволно паметни за корисниците да ги разберат.
За да се забрза паметниот развој на уредите освен паметните телефони, како и да се подобри квалитетот на потрошувачкото искуство, Huawei го лансира и комплетот за чипови HiLink & LiteOS, кој ја опфаќа отворената платформа за уреди и услуги за зачувување на податоците и оперативниот систем. Комплетот за чипови HiLink & LiteOS помага во надминување на тешкотиите во индустријата IoT, правејќи го IoT развојот поедноставен и поефикасен.
Отворената платформа HiLink спроведува автоматско откривање на сите IoT уреди, поедноставена поврзаност, еднократен пристап и контрола на повеќе терминали во повеќе режими.
LiteOS е мост помеѓу IoT хардверот и апликациите. Maple JS, уникатниот firmwell за развој и програмирање на IoT, има практично исто ниво на оперативна ефикасност како и програмскиот јазик C. Ова им овозможува на програмерите брзо да развијат апликации без да ги познаваат вградените апликации. Комбинацијата на чипови HiSilicon со LiteOS, Gigahome и Honghu ќе им овозможи на програмерите да ги оптимизираат уредите.
За време на конференцијата, Huawei објави и неколку други иновативни технологии, како што се алгоритмите на просторно пресметување и технологиите за идентификација на вештачката интелигенција. Технологијата од 5W mmWave, технологијата за контрола на гестови – mmWave и технологијата за следење на срцевиот ритам беа демонстрирани на паметниот телефон Huawei Mate X. Системот за толкувачи се користи за да се соберат мапи за навигација што можат да постигнат позиционирање до метар во затворен простор.
“Ние ќе градиме екосистеми и ќе привлечеме партнери“, вели Ричард Ју. „Она што го претставивме и го демонстриравме на годинешната конференција гради цврста основа за нашата стратегија за следните 5 до 10 години“.