Неодамна OnePlus го објави телефонот OnePlus 7 Pro, а веќе почнаа да се појавуваат гласини за OnePlus 7T Pro, кој би можел да биде откриен до крајот на годината.
Фотографии од OnePlus 7T Pro се појавуваат на кинеската мрежа Weibo. Од она што може да се види, нема големи промени во дизајнот на OnePlus 7 Pro, барем во однос на дисплејот и pop-up механизмот за селфи камерата. Од друга страна, повеќето детали за дизајнот не се забележуваат бидејќи телефонот е сместен во заштитно куќиште.
Останува да се види какви ќе бидат разликите помеѓу OnePlus 7 Pro и 7T Pro кога станува збор за внатрешниот хардвер. Кога беше објавен претходно оваа година, OnePlus 7 Pro го користеше чипсетот Snapdragon 855. Во меѓувреме, Qualcomm го објави Snapdragon 855 Plus, кој пристигнува со поголеми брзини и побрза графичка карта, што значително ги зголемува перформансите.
Се разбира, во моментот има само шпекулации, но сите индикации се дека OnePlus 7T Pro ќе биде објавен во 2019 година, можеби со 512 GB UFS 3.0 NAND или повеќе од 12 GB LPDDR4X RAM меморија.