Извештаите за тоа дека Galaxy Note10+ ќе поддржува 45W брзо полнење се појавија пред неколку недели. Доколку се испостават како точни, смартфонот би можел да стане голем конкурент на Huawei P30 Pro, кој пристигнува со 40W SuperCharge технологија. Тоа е исто така блиску и до 50W SuperVOOC решението на компанијата Oppo.
Меѓутоа, иако можноста за имплементирање на опцијата за 45W брзо полнење е убава вест за оние кои планираат да го купат Note10+, доверливиот дојавувач Ice Universe истакнува дека Samsung во пакувањето ќе нуди само полнач од 25W. Ова е секако подобрување во однос на 15W полначи, кои пристигнуваа со Galaxy S10 моделите, но бројните фанови ќе бидат разочарани.
Galaxy Note10+ supports 45w wired charging and 20w wireless wireless charging. Samsung will release related chargers. However, the charging head provided in Samsung packaging box is 25w.
— Ice universe (@UniverseIce) July 12, 2019
Оние кои ќе сакаат во целост да ги искористат 45W брзини на полнење ќе мораат да купат посебен, компатибилен полнач, кој Samsung одвоено ќе го продава. Покрај ова, Ice Universe истакнува дека Note10+ ќе поддржува и 20W безжично полнење, но ова ќе бара и купување на посебен полнач.