Компанијата Open Signal спроведе големо истражување на карактеристиките и трендовите на пазарот на мобилен интернет. Истражувањето беше спроведено во 87 земји во светот, каде е вклучена анализа на проблематиката како што се достапноста на 4G мобилни мрежи, искуството со гледање видео содржини, download и upload брзината.

Заклучоците кои можат да се извлечат од целата анкета се дека 4G мобилните мрежи сè уште не се достапни во сите делови на светот, иако процесот на преселба на новите 5G мрежи само што започна. Европа е континент кој бележи највисоко покривање на 4G сигналот, а меѓу 87-те земји што учествувале во истражувањето, покриеноста со 4G сигналот е околу 80%.

Јужна Кореја е земја чии телекомуникациски оператори нудат најбрз мобилен интернет со просечна брзина на download од 50 mb/s, а на второ место е Норвешка, каде што просечната брзина на преземање е 48.2 mb/s. Од регионов Хрватска е на седумнаесеттото место со просечна брзина на преземање од 26,7 mb/s. Со оглед на сите 87 земји кои учествуваат во истражувањето, просечната брзина на преземање е 17,6 mb/s.

Во однос на покриеноста на 4G сигналот, Јужна Кореја повторно е водечка со покриеност од 97,5%, и генерално, азиските земји доминираат во рејтингот по покривање. Од регионот Хрватска забележа покриеност со 4G сигнал од 83,4%, што е повеќе од, на пример, земји како што се Германија, Италија, Аргентина, Полска и Ирска.

Во однос на искуството за гледање видео содржини преку мобилниот интернет, во овој сегмент доминираат земјите од централна и северна Европа. Можните оценки се движат од 0 до 40 за лошо искуство, од 40 до 55 за задоволувачко искуство, од 55 до 65 за добро искуство и 65 до 75 за многу добро искуство за гледање видео содржини. Само Норвешка беше земја која постигна речиси максимално 75 поени (74,7), додека во првите десет земји, дури осум европски земји се задоволни од следењето на видео содржините преку мобилни уреди. Хрватска е на единаесеттото место со 69,5 поени.

Во однос на податоците поврзани со брзината на upload, Европа повторно е доминантна, посебно Скандинавија. На прво место по брзината на upload, Данска има просечна брзина од 15 mb/s, колку што изнесува просечната брзината на upload во Јужна Кореја. Просечната брзина на upload во Хрватска е 10 mb/s.

Извор: Bug.hr