Германската полиција затвори еден од најголемите сајтови за илегална онлајн трговија во т.н. темна мрежа  (Даркнет) и уапси тројца мажи за незаконско управување, соопштија обвинителите.

Операцијата на Интерпол, холандската полиција и ФБИ доведе до апсење на двајца големи увозници на нелегални наркотици во САД.

Незаконското сајт „Вол стрит маркет” дозволувал продажбата на кокаин, хероин, марихуана и амфетамини, како и украдени податоци, лажни документи и малициозен софтвер.

Криптираната платформа имала повеќе од еден милион кориснички профили, повеќе од 5.000 регистрирани продавачи и повеќе од 60.000 огласи за продажба, соопштија обвинители во Франкфурт.

На интернет страницата можело да се влезе преку криптирана Тор мрежа за да ги заштити клиентите од откривање, а трансакциите се исполнувале преку криптовалутите Биткоин и Монеро.

Менаџерите на страницата добивале провизија од 2 до 6 проценти од вредноста на продажбата.

Германската полиција уапси тројца осомничени на возраст помеѓу 22 и 31 години на 23 и 24 април.

Запленети се сервери, 550.000 евра во готовина и илјадници во Биткоин и Монеро, неколку возила и пиштол.

Полициската операција започна откако финската полиција претходно оваа година затвори нелегална интерет страница Силккитие (Валхала).