Huawei Mate X го доби првиот сертификат 5G CE во светот, доделен од TÜV Rheinland, глобален лидер во независни инспекциски служби, што e потврда дека паметниот телефон непречено го поминал ригорозниот тест и евалуација и стана првиот 5G паметен телефон во светот одобрен од страна на Телото за известување на Европскaта Унија.

„Во споредба со претходната генерација комуникациска технологија и производи, 5G технологијата и производните форми се посложени. 5G сертификацираните стандарди за тестирање и опрема сé уште се потпираат на континуирано подобрување. Тоа е невиден предизвик за евалуација на 5G паметните телефони. Тимовите на Huawei и TÜV Rheinland заедно направија значајни откритија во многу клучни технологии за сертификација. Во иднина, Huawei ќе продолжи да соработува со TÜV Rheinland во истражување на технологијата за сертификација на комуникациските производи и во промоција на размерот на 5G терминалите за комерцијална употреба,“ рече Брус Ли, потпретседател на Handset Business на Huawei Consumer Business Group, на церемонијата на доделувањето.

Според Стефан Кишка, претседател на бежичен и интернет на нештата во TÜV Rheinland кој му честиташе на Huawei, TÜV Rheinland беше сведок на глобалната 5G технолошка сила на Huawei, што е возбудлива вест за индустријата и потрошувачите. „TÜV Rheinland напорно работи на полето на безжичната комуникациска технологија веќе многу години. Со нетрпение очекуваме да продолжиме да соработуваме со Huawei за да создадеме, промовираме и да сведочиме за новата ера на 5G“, рече Кишка.

Како прв Huawei 5G паметен телефон, Huawei Mate X е опремен со најсофистицирана технологија и патенти на Huawei. HUAWEI Mate X работи на чипсетот Balong 5000, кој е првиот мулти-режим 5G SoC со 7nm процес, кој може да поддржува 2G, 3G, 4G и 5G со еден чип; Balong 5000 е првиот кој го постигна реперот на индустријата во брзината на преземање од 5G, нудејќи 4.6Gbps во Sub-6GHz (ниска фреквенција, 5G главен фреквентен опсег); Balong 5000 е исто така први чипсет во светот за поддршка на SA и NSA истовремено, со можност да се прилагодат на различни хардверски барања и формати за корисниците и телекомуникациски оператори, со што HUAWEI Mate X е вистински 5G паметен телефон. Покрај тоа, Huawei интегрира четири групи на 5G антени со најсовремени технологии во тенкото преклопувачко тело од Huawei Mate X.

TÜV Rheinland е одговорен за целиот процес на сертификација на CE на Huawei 5G паметните телефони. CE сертификацијата за квалитет е неопходен услов на Европската Унија за увоз и продажба на производи и е задолжителна идентификација за влез на европскиот пазар. Производите со ознаката CE покажуваат дека исполнуваат серија на директиви како што се оние за безжична, безбедносна, електромагнетна компатибилност, за здравје, заштита на животната средина и за заштита на потрошувачите.

Стекнувањето на првиот 5G CE сертификат за паметен телефон даде солидна основа за големата комерцијална употреба на 5G мобилните телефони во иднина и уште еднаш ја истакна лидерската позиција на Huawei со 5G технологијата. Huawei ќе продолжи активно да го промовира зрелиот развој на 5G индустријата и да им обезбеди на корисниците вистинско 5G искуство и услуги.