Asus официјално ги претстави Zenfone Max (M2) и Zenfone Max Pro (M2), кои најпрвин ќе се најдат во продажба во Индија и Индонезија.
Двата смартфона користат stock Android, а во јануари ќе го добијат Android 9 Pie. Покрај ова, со телефоните корисниците ќе добијат и 100 GB простор за користење на Google Drive.
Asus Zenfone Max Pro (M2) користи Snapdragon 660 чипсет, има 6.26-инчен екран со 1080p резолуција (19:9 однос на страници со notch). Екранот има Gorilla Glass 6 заштита. Основниот модел пристигнува со 3GB RAM и 32GB интерна меморија. Слотот за картички може да прими две SIM и MicroSD картичка. Најсилниот модел има 6GB RAM и 64GB простор за складирање.
Pro (M2) има 12MP + 5MP камери на задната страна (Sony IMX486 сензори, 1.25µm пиксели, f/1.8 отвор на бленда). Во засекот од предната страна се наоѓаат две селфи камери со 13MP + 5MP сензори и LED блиц. Телефонот има 5000mAh батерија, сензор за отпечатоци од прсти на задната страна, а тука е и face unlock опцијата.
Asus Zenfone Max (M2) го задржува 6.26-инчниот екран, но со пониска резолуција од 720p+. Го покренува Snapdragon 632 чипсетот и има батерија од 4000mAh.
Системот со камери на задната страна се состои од главниот 13MP модул (1.12µm, f/1.8) и 2MP depth сензор. Камерата може да снима 4K видео. Предната камера има еден 8MP сензор и LED блиц.