Xiaomi почна да ја загрева публиката за престојната премиера на Mi Mix 3, која ќе се одржи на 25. октомври во Пекинг.

Компанијата објави фотографија на својата официјална страница во кинеска социјална мрежа, во која се прикажани две книги на чии корици се напишани 5G и 10G. За првата, јасно е дека тоа укажува на поддршка за 5G мрежите, додека вториот наслов најверојатно го сигнализира присуството на 10 GB RAM меморија.

Интересната работа овде е како Xiaomi планира да ги поддржи 5G мрежите, бидејќи во моментов нема активни. Сепак, многу поголем проблем е отсуството на чипсети, кои се компатибилни со новиот стандард.

Очигледно, сепак, е пронајден начин бидејќи кинеската компанија навести јасно 5G поддршка пред еден месец. Подоцна компанијата потврди дека Mi Mix 3 ќе биде првиот комерцијален паметен телефон со 5G способности и ќе има 10GB RAM меморија.