Ако имате премиум сметка музичката стриминг услуга Spotify, добро е да знаете за ново интересно подобрување кое дефинитивно ќе ви се допадне. Излезе дека креаторите на музичката услуга одлучија да го зголемат бројот на песните што ги преземате за слушање во офлајн режим. Досега, границата за платените сметки изнесуваше 3.333 песни, објави TechRadar. Сепак, за во иднина, сопствениците на сметка на Spotify ќе можат да задржат до 10.000 песни на паметниот телефон, што е значително зголемување.
Друго важно подобрување е дека секоја премиум сметка сега може да се користи на пет различни уреди, а не три, како што беше досега. Ако претпоставиме дека ќе ја искористите новата услуга, тоа значи дека ќе имате 50.000 песни за да слушате во офлајн режим. Стриминг услугата има лесен за користење интерфејс и импресионира со своите алгоритми кои препорачуваат слична содржина на она што го слушате. Spotify има каталог од над 35 милиони парчиња.