Двата модели ги карактеризираат 6-инчен екран со 1480 х 720 пиксели резолуција, а ги придвижуваат четиријадрени процесори (1.4 GHz, веројатно Exynos 7570 Quad од моделот Galaxy J4).

И двата телефони имаат батерија од 3300 mAh и оперативен систем Android 8.1 Oreo. Она по што се разликуваат моделите еден од друг е меморијата – Galaxy J6+ стигнува во комбинација од 3GB или 4GB RAM и 32GB или 64GB складишен простор. Galaxy J4+ има опција од 2GB или 3GB RAM и 16GB или 32GB внатрешна меморија.

На задната страна на J6+ се наоѓаат две камери: 13MP + 5MP, а тука е и селфи камерата од 8MP.

Другиот модел J4+ има 13MP камера на задната страна и селфи камера од 5MP. Остатокот од спецификациите на двата телефона е идентичен, вклучувајќи ги димензиите и тежината. Другите карактеристики вклучуваат LTE Cat. 4, Wi-Fi до 2.4GHz, Bluetooth 4.2, GPS и опционен NFC.

Galaxy J6+ има сензор за отпечатоци на прсти од страната, додека ваквата опција за моделот Galaxy J4+ ќе биде понудена само во Северна Америка.

Извор: B92.net