Досега бактериите кои произведуваа електрицитет се наоѓа главно во егзотични средини како киселите езера на Јелоустоун. Но, научниците најдоа уште едно место на кое може да ги најдете во изобилство – човечките црева.
Истражувачите од Универзитетот на Беркли во Калифорнија, открија дека бактеријата која предизвикува дијареа, Listeria monocytogenes, произведува електрицитет со користење на сосема поинаков метод од познатите „Електрични бактерии“ и дека стотици други бактериски видови го користат истиот процес.
Многу од овие бактерии се дел од човечкиот интестинален микробиом и многу од нив се патогени и често можат да предизвикаат и смртоносна заразна болест, како листериоза која го оштетува централниот нервен систем. Бактериите кои предизвикуваат гангрена и болнички инфекции и некои други штетни стрептокни бактерии исто така произведуваат електрична енергија. Други електрогени бактерии, како лактобацилите, се важни при ферментацијата на јогуртот и многу од нив се пробиотици.
„Фактот дека толку многу бактерии во близок контакт со луѓето, било како патогени или пробиотици, се електрогени – е досега непознат факт. Ова откритие може да ни открие како овие бактерии не инфицираат или ни помагаат да имаме здрави црева“, вели Дан Портној, професор по молекуларна и клеточна биологија.
Извор: Science Daily