Доколку го заклучите екранот на телефонот како би спречиле неовластен пристап до неговата содржина со PIN-код, шифра или патерн, постои можност да заборавите на истиот.
Се прашувате што тогаш? Имаме решение за вас!
За Андроид 5.0 и понов:
1 Посетете го линкот google.com/android/devicemanager
2 Пријавете се со Google профилот со кои сте го регистрирале вашиот уред кој е заклучен
3 Ќе ја видите листата на сите свои уреди меѓукои итој што е заклучен
4 Селектирајте го уредот и ќе видите опции Ring, Lock и Erase. Кликнете Lock и внесете нова шифра по желба.
5 Зачувајте ја промената со кликнување на Lock.
За Андроид 4.4 и постар:
Овде процесот е многу поедноставен. Знаете дека доколку ја внесете погрешната шифра, PIN или патерн, после третиот пат ќе ви биде оневозможено повторно да се обидете во наредните 30 секунди.
1 Намерно погрешно внесете го PIN-от за да ви оневозможи повторно внесување за 30 секунди
2 Повторете го овој процес уште пет пати
3 Потоа ќе добиете опција Forgot Pattern, Forgot PIN или Forgot password во зависност од тоа што користите
4 Ќе ви се појави опција да го потврдите својот вистински идентитет така што ќе се логирате на Google профилот
5 По логирањето ќе ви биде овозможено да го отклучите телефонот, а доколку не е така, Google во некои случаи испраќа и дополнителен активациски емаил за да потврди дека тоа на вистина сте вие. Откако ќе го кликнете активацискиот меил вашиот телефон ќе биде отклучен.