Луѓето веќе долго време се мајстори на умешноста со рацете, вештина која во голема мера може да се припише на човечките очи. Во меѓувреме, роботи сé уште ја учат оваа вештина, и кај нив има одреден напредок: со децении роботите во контролирани средини можат да го кренат истиот објект одново и одново, пишува Science Daily.

Во поново време, напредокот во компјутерската визија им овозможува на роботите да прават разлика помеѓу објектите, но дури и тогаш, тие навистина не ги разбираат облиците на предметите.

Во новиот труд, истражувачите од лабораторијата за компјутерски науки и лабораторија за вештачка интелигенција на МИТ (CSAIL) велат дека тие направиле клучен напредок во оваа област: систем кој им овозможува на роботите да ги испитаат случаен објект и доволно да го разберат визуелно за да извршат специфични задачи.

Системот, наречен “Dense Object Nets“ (DON), ги гледа објектите како збирки на точки кои служат како “визуелни патокази“. Овој пристап им овозможува на роботите подобро да ги разберат и даманипулираат со предметите и најважно, им овозможува да одберат и посебен објект меѓу нередот на слични предмети – важна вештина за машини што се користено од страна на компаниите како Амазон и Walmart ги користат во своите магацини.