Corning официјално ја претстави новата верзија на популарниот заштитен материјал за дисплеи на паметни телефони, кои ги штитат од гребнатини, испуштање или удар. Gorilla Glass 6 нуди голем број на подобрувања и според податоците на компанијата е двапати поиздржлив, во споредба со Gorilla Glass 5. Во последните години настапија доста промени во дизајнот на смартфоните и начинот на кој се создаваат дисплеите. Обично првото испуштање не го оштетува екранот, но се создаваат оштетувања, кои пукаат на површина следниот пат, кога ќе го направите тоа.
Ова значи дека со секое следно паѓање, способноста да го оштетите вашиот паметен телефон целосно се зголемува постепено. Една од целите на Corning со новиот заштитен материјал е да се поправи овој проблем, информира „DigitalTrends“. Тестовите на компанијата покажуваат дека уредите Gorilla Glass 6 можат да издржат 15 паѓања од височина од еден метар на цврста површина пред да го оштетат интегритетот на безбедносното стакло. За споредба, ова претставува приближно 11% подобар резултат од покажаниот на Gorilla Glass 5.
Корисниците обично ги „испуштаат“ своите паметни телефони седум пати во една година. Ако уредот има Gorilla Glass 6 ќе можат да си обезбедат заштита за приближно 24 месеци, што е доволно време пред да одделат средства за нов смартфон. Сите овие вредности се поврзани со лабораториски експерименти, соопштија од Corning. Во секој случај, стаклото е поцврсто од Gorilla Glass 5, што ќе обезбеди дополнителна заштита. Првите паметни телефони со Gorilla Glass 6 ќе бидат објавени до крајот на годината.