Шефот на Tesla, Елон Маск сподели нови детали за првиот пикап на брендот.

За можната појава на моделот за првпат се проговори минатата година за време на презентацијата на камионот Tesla Semi.

Маск на Твитер соопшти дека првиот пикап на компанијата ќе биде со 6 места. Тој ќе биде достапен исклучиво со погон на четири тркала и два електрични мотори. Маск вети „бесен“ вртежен момент и можност да се помине километража од 640 до 800 со едно полнење, во зависност од верзијата.

Пикапот може да се користи како мобилна станица и може да напојува со струја различна опрема.

Претходно, стана јасно дека пикапот на Tesla ќе добие „паметна“ задна табла на товарната платформата и автопилот за паркирање.