Ако користите популарни мобилни апликации за комуникација, веројатно имате инсталирано WhatsApp на вашиот уред. Постојат одредени промени што нема да дозволат некои паметни телефони да го користат. Креаторите на WhatsApp велат дека ова е наметнато од потребата да се обезбеди максимална безбедност за сите корисници. Според официјалните податоци, одлуката ќе влијае на околу 20 милиони смартфони на пазарот.
Идејата е корисниците да не губат време и да ги ажурираат своите уреди на понови верзии на мобилни оперативни системи. WhatsApp нема да работи на паметни телефони кои сé уште работат со Android 2.3.3 или iOS 6. Овие платформи беа презентирани пред пет до шест години и повеќе не добиваат апдејти и „пачови“ за безбедност. Апсолутно иста е ситуацијата со BlackBerry 10 OS.
Од WhatsApp го споменуваaт дури и Nokia Symbian S60, кој го има многу мал број уреди. Ако имате модел базиран на Windows Phone 8, исто така треба да размислите за надградба. Важно е да знаете дека телефоните со постари оперативни системи нема да можат да создаваат нови контакти во апликацијата. Запирањето на поддршката на WhatsApp на горенаведените уреди ќе започне во следните неколку недели.