Основното јавно обвинителство Скопје информира дека било известено од страна на Министерството за внатрешни работи за заканувачки пораки и слики што преку профили на социјалните мрежи биле објавувани за носители на јавни функции и други службени лица.
„Министерството за внатрешни работи доби задолжение да пристапи кон утврдување на идентитетот на лицата од чии профили се упатуваат заканите и да се обезбедат релевантни докази за евентуално сторено кривично дело загрозување на сигурноста од член 144, став 4 во врска со став 3, во врска со став 1 од Кривичниот законик“, се вели во соопштението на скопското Обвинителство.