Камерата на париската метеоролошка веб-страница го фати моментот во кој пред два дена гром ја погоди Ајфеловата кула. На фотографијата се гледа молња која удира во врвот на познатата градба.

Ударот на гром и молња го забележа и фотографот Бертранд Кулик, а фотографијата беше објавена на сајтот Rumble.

“Тоа беше електричен ден, времето беше апокалиптично. Бев во својот стан и прозорецот беше отворен. Кога почна невремето, го сграпчив фотоапаратот во надеж дека ќе фатам барем делче од молњата”, изјави Кулик.

Тој додаде и дека ветарот и дождот биле толку силни што се чувствувал како се се наоѓа во центарот на бура.