Почна Microsoft Build 2018, годишната конеференција за програмери и IT експерти, а посебно внимание привлече големата најава на компанијата Microsoft дека една од клучните Windows 10 карактеристики ќе ги донесе на мобилните Android и iOS уреди.
Timeline на Windows 10 компјутерите им овозможува на корисниците да се вратат низ времето и да ги пронајдат своите материјали, на кои работеле претходно во текот на денот, минатата недела или дури и неколку недели наназад.
https://www.youtube.com/watch?v=nNdirfTlU4E
Опцијата ќе биде достапна преку Microsoft Launcher додатокот за Android и Microsoft Edge веб прелистувачите за iOS уредите од различни форми и генерации.
Со додатокот на новата функција во Microsoft Launcher за Android, корисниците можат дури и да пронајдат што работеле додека ги користеле Microsoft Edge или Office 365 на своите мобилни уреди, кога ќе се вратат на својот компјутер со Windows 10.