Можеби барем еднаш сте размислувале за идејата да бидете бесмртни и да живеете стотици години? Тоа е футуристичка идеја, која е опфатена во многу холивудски филмови и СФ романи. Некои научници, меѓу кои и англискиот професор Јан Пирсон, веруваат дека ова не е само фикција, туку реална можност. Според него, за само неколку децении, технолошката еволуција ќе им овозможи на луѓето да живеат многу подолго отколку што дозволува природната селекција.
Јан Пирсон дури изрази уверување дека секој маж роден по 1970 година сега може да го живее моментот кога постигнувањето на бесмртноста е секојдневие за човештвото. Најбогатите луѓе прво ќе можат да ги користат таквите технологии, но брзо ќе станат достапни за сите други, објави Mirror.co.uk. Клучниот фактор за постигнување на оваа уникатна цел се компјутерските симулации и еволуцијата на генетскиот инженеринг, кои заедно ќе предложат ефикасно решение против остарувањетo.
По три децении ќе биде можно да се заменат делови од човечкото тело на ист начин како што правиме со автомобили и мобилни уреди. Јан Пирсон дури гледа иднина во која умовите на луѓето може да се складираат во облакот и да се пренесат од една во друга личност. Сето ова ќе го промени нашиот секојдневен живот. На пример, околу 2050 година виртуелната реалност ќе биде толку популарна што ќе биде достапна за секој дом. Луѓето ќе користат холограми и ќе се забавуваат со интерактивни книги и 3D телевизиски емисии.
Извор: Стандард