Со години наназад речиси сите производители на автомобили честопати имаат поплаки, па дури и отповикување на возилото поради недостатоци. Дури 30 отсто од проблемите се причинети од воздушните перничиња.
Во последниот квартал од 2017 година, статистиката покажува дека од 65 проблеми кои биле причина за повлекување на возила во Европа, 20 се однесувале токму на овој безбедносен систем. По пет повлекувања на возила се извршени поради проблеми со пневматиците и сопирачките.
Иако во тој период, вкупниот број на повлекувања бележи пад од десет отсто во однос на претходниот квартал, тоа сепак е петти најголем квартален рекорд.
Најмногу повлекувања се однесуваат на германските автомобилски производители – вкупно 30. Потоа следат француските – 23 и британските компании со шест.