Австралиските власти преговараат со еден од најмоќните светски брендови во технолошкиот развој, Tesla за создавање “виртуелна електрана“. Станува збор за проект во кој соларни панели од производната линија на Tesla треба да бидат поставени на 50.000 куќи, а потоа обединети во една мрежа.
„Виртуелната централа“ е систем кој ги обединува домовите на кои се инсталирани соларните панели на Tesla. Се претпоставува дека ќе произведуваат повеќе енергија отколку што им е потребно на жителите на овие куќи, а вишокот може да се продава. Како пилот-проект, батериите ќе бидат инсталирани на 1100 домови.
Застапниците на проектот тврдат дека новата електрана, како и најголемата литиум-јонска батерија во светот создадена од истата компанија, треба да помогнат да се обезбеди стабилно снабдување со енергија во земјата. Сега, жителите на Јужна Австралија, каде што ќе се гради централата, често се соочуваат со прекини во снабдувањето со енергија, за што плаќаат многу високи тарифи, вклучително и поради широката употреба на фарми со ветерници.