Претседателот на САД, Доналд Трамп, потпиша директива за продолжување наполитиката во областа на вселената, која предвидува Американците повторно да заминат на Месечината, но и да го организираат првото патување на Марс. Веста беше потврдена и од американската национална вселенска агенција, NASA.
Со оваа уредба, NASA, добива одврзани раце да води иновативна и одржлива програма за истражување со комерцијални и меѓународни партнери за да се обезбеди човечка експанзија преку Сончевиот систем и да се донесат на Земјата нови знаења и способности. Трамп посочил дека ова е прв чекор на враќањето на американските астронаути на Месечината, за првпат по 1972 година.