До денес не знаевме дека интернетот има многу цврст став врзан за емотиконите за брза храна
Полемиката започнала, секако, на Твитер, а прв се огласил корисникот Томас Баекдал, кој во својот твит ги споредил начините на кои Apple ги распоредува состојките во чизбургерот и Google, во рамки на чиј емотикон кашкавалот се наоѓа на погрешно место.
I think we need to have a discussion about how Google's burger emoji is placing the cheese underneath the burger, while Apple puts it on top pic.twitter.com/PgXmCkY3Yc
— Thomas Baekdal (@baekdal) October 28, 2017
Гурманите, кои се истовремено и познавачи на емотиконите, напоменуваат дека Apple паметно ги позиционира состојките, со поставување на салатата под бургерот со што се спречува долното лепче да се натопи и со тоа да се отежне консумацијата, додека Google на тоа место го става кашкавалот и со тоа прави голема гурманска катастрофа.
Оваа вест и не би била вест доколку не се огласил и извршниот директор на компанијата Google, Сандар Пичаи, кој во таа прилика ветил дека вработените “ќе ги остават сите други работи настрана и итно ќе се позанимаваат со овој проблем”, но под услов доволен број на корисници да изгласаат неопходност за поставување на кашкавалот на правилното место.
Will drop everything else we are doing and address on Monday:) if folks can agree on the correct way to do this! https://t.co/dXRuZnX1Ag
— Sundar Pichai (@sundarpichai) October 29, 2017
Според сајтот Emojipedia, чизбургерот како емотикон е одобрен како дел од Unicode 6.0 уште во 2010 година, а кон фамилијата на Emoji 1.0 е додаден во 2015 година, и во таа прилика на компаниите кои ги дизајнираат своите емотикони им е оставена потполна слобода во распоредување на состојките.
Извор: Tportal.hr