Американскиот претседател Доналд Трамп ја нарече мрежата на Фејсбук Анти-Трамп.

Коментарот на Трамп доаѓа само неколку дена откако Фејсбук објави дека доставиле материјали до комитетот на Конгресот што го истражува можното руско мешање на претседателските избори минатата година.

„Фејсбук отсекогаш бил анти-Трамп, напиша Трамп, додавајќи дека социјалните мрежи секогаш биле против него.

Засега, Фејсбук не ја коментираше оваа изјава на американскиот претседател.

Пред неколку дена, оваа социјална мрежа соопшти дека на Конгресниот истражен комитет ќе им обезбеди содржина од 3.000 политички реклами што ги купиле руските правни лица за време на предизборната кампања минатата година.