Многу веројатно знаете за оној мит за смартфонот кој се прегрева и уништува ако цела вечер го оставите на полнач, иако е на 100 проценти батерија.
Со години се веруваше дека ако го полните телефонот цела ноќ или ако го оставате на полнач и откако ќе се наполни, батеријата се оштетува. Но, тоа важеше порано, кога технологијата не беше толку унапредена. Денес, паметните телефони имаат и паметна батерија, па последните истражувања покажаа дека полнењето преку ноќ не прави штета.
Кај секој смартфон постои таканаречен број на циклуси кој го означува бројот на полнења до крај кој еден смартфон ги има сè додека батеријата не почне да се расипува. На пример, ако ја празните батеријата до половина, а потоа ја полните до половина, тоа претставува половина циклус.
Вообичаено, смартфоните имаат 400 циклуси на полнење, што овозможува батеријата да трае најмалку година и пол, а понекогаш и подолго.
Модерните телефони имаат вграден чип кој спречува примање на струја во батеријата повеќе отколку што им е потребно, па оставањето на телефонот на полнач во текот на ноќта нема да направи штета.
Сепак, ако го практикувате ова, треба да знаете дека температурата влијае врз капацитетот и долготрајноста на батеријата. Батериите направени на база на литиум се оштетуваат од висока температура, но ова не се однесува само на полнењето, туку и општо.
Извор: Tportal.hr