Коосновачот на Apple, Стив Вознијак знае доста за иновациите бидејќи во многумина и сам учествуваше. Тој исто така знае нешто и за денешните иноватори, па така порачува дека следната голема работа ќе пристигне од компанијата Tesla на Илон Маск, а не од Apple. Зборувајќи за успехот на Tesla Model S моделот, Вознијак изјави дека тоа е така бидејќи Маск го создал моделот за себе.

“Најдобрите работи ги произведувате кога ги правите за себе”, истакна Вознијак. Кога дискутираше за имињата на компаниите што го променија светот, Вознијак говореше за Tesla, Google, Facebook, Apple и Microsoft, а сакаше да истакне дека сите значајни новитети ги создале млади луѓе.

“Погледнете некоја од овие компании што го променија светот. Тие обично потекнуваат од млади луѓе кои не излегле од големите компании”, порачува Стив. Apple сега е компанија со најголема вредност , а дури се говори дека моментно располага со 286 милијарди долари”.

Извор: Phonearena