Се повеќе и повеќе се тврди дека компаниите кои работат на програми за вселенски туризам ќе влијаат не само на орбитата на Земјата, туку и на целокупната состојба на планетата, и на крајот ќе доведат до непоправливи последици.

Ваквите тврдења можат лесно да се објаснат, а доволно е да се разбере колку јаглерод диоксид емитува ракетата SpaceX Falcon 9 при само едно полетување. Поточно, станува збор за количина еднаква на онаа која се произведува во рамките на 395 трансатлантски авионски летови, а проблемот е во тоа што SpaceX, Blue Origin, Virgin Galactic и други компании планираат толку многу летови, што поголемо влијание врз климатските промени е неизбежно.

При еден космички лет, кој би ги однел туристите од новата ера на пат во вселената, ќе се испушти истата количина јаглерод диоксид, која ја произведуваат 73 автомобили за една година, а SpaceX, покрај идните туристички, планира и дваесетина летови за комплетирање на сателитската мрежа Starlink, што кога ќе се комбинира со летовите на другите компании, веќе претставува сериозен извор на штетни гасови, кои влијаат на ефектот на стакленичка градина.