Asus го запре лансирањето на нови паметни телефони и се фокусира на вештачката интелигенција.
Тајванскиот технолошки гигант Asus потврди дека нема да лансира нови паметни телефони оваа година, а можеби и засекогаш, што претставува голема промена во стратегијата на компанијата.
Претседателот на компанијата, Џони Ши, изјави дека Asus привремено го запира развојот на нови модели на телефони и ги пренасочува ресурсите и истражувачките напори кон други области, првенствено кон AI хардвер, вклучувајќи компјутери со вештачка интелигенција, паметни очила и роботски системи.
Иако Ши не кажа експлицитно дека компанијата целосно го напушта мобилниот пазар, начинот на кој е формулиран планот и обемот на промените сугерираат дека линиите на телефони Zenfone и ROG би можеле да бидат замрзнати на неодредено време.
ASUS, исто така, нагласи дека ќе продолжи да ги поддржува постојните клиенти – ова значи дека одржувањето, ажурирањата на софтверот и гаранциите за другите модели ќе останат на сила, но нема да има нови модели во 2026 година.
Одлуката доаѓа во време кога пазарот на паметни телефони станува исклучително конкурентен, со намалување на маржите и доминација на големите брендови, додека побарувачката се менува во корист на уреди и технологии базирани на вештачка интелигенција.