TikTok тестира функција по која Snapchat е надалеку познат – станува збор за „streak“.

TikTok потврди дека го тестира ова, но не даде никакво официјално соопштение, освен податокот дека тестот се одвива „на ограничен пазар и со избрани корисници“.

Правилата се едноставни: со некого треба да се допишувате три дена по ред, а после тоа добивате ознака „streak“ во четот, покрај тоа колку денови ви трае преписката.

Во последните неколку дена, дел од корисниците споделија на социјалните мрежи дека имале „streak“ на TikTok, а низата завршува кога ќе поминат повеќе од 24 часа од последната порака.

Секако, оваа функција е карактеристична за Snapchat и поради неа е најпопуларна, толку што минатата година апликацијата воведе можност корисниците да плаќаат и паузираат, за да не ги изгубат сите „оганчиња“ што ги собираат со некој.

Дали оваа опција веќе се појави на вашата сметка на TikTok?