Xiaomi официјално ќе ја претстави својата серија на паметни телефони Xiaomi 14 на 26 октомври, но пред тоа беа објавени фотографии кои целосно го откриваат неговиот изглед.

Xiaomi 14 е прикажан во бело, со рамна сјајна рамка која може да биде изработена од нерѓосувачки челик. Смартфонот има 6,36-инчен AMOLED екран со исечок за селфи камера, дебелината на горните и страничните рабови е 1,61, а долниот е 1,71 mm.

На десната страна се наоѓаат копчето „power“, како и копчињата за јачина на звук.

На задната страна се три камери со леќи Leica Summilux и главен сензор од 1/1,31″ со големина на пиксели од 1,2 µm и отвор f/1,6. Се вели дека е сензор OmniVision OV50H од 50 MP, на кој му се придружува Телефото објектив од 75 mm од 50 MP и ултра широка камера од 50 MP.

Xiaomi објави неколку примероци на фотографии од новите камери на својот профил на социјалната мрежа Weibo.