Дали некогаш сте виделе мозочна клетка? И можете ли да замислите како игра видео игра? Звучи апсурдно, но денес е реалност.
Научниците успеаја да ги научат мозочните клетки да играат видео игри, и тоа без никаква врска со вистински човечки мозок. Секако, не му требаше долго време на некој да ги научи овие кластери на клетки да ја контролираат популарната ретро видео игра Doom.
Во 2021 година, австралиската биотехнолошка компанија Cortical Labs научи 800.000 мозочни клетки во Петриев сад, поврзан со компјутер, да играат едноставна игра Понг од 70-тите. Сега, „системот“, кој го нарекуваат CL1 и „првиот биолошки компјутер во светот“, е способен да игра Doom.
„Понгот беше многу поедноставен. Имаше директна врска: топката се качува, палката се качува“, вели главниот научен директор на Cortical Labs, Брет Каган.
„Doom е хаос. Тој е 3D. Има непријатели. Мора да ја истражува својата околина и е доста тежок. За да го премостиме тој јаз, моравме да го преведеме дигиталниот свет на Doom на биолошкиот јазик на невроните – електрична енергија“, објаснува тој за научниот процес.
Каган, сепак, предупредува дека чиповите на кои растат мозочните клетки не можат да се споредат со вистински мозоци. „Да, тој е жив и биолошки, но всушност се користи како материјал што може да обработува информации на многу специфични начини“, објаснува тој.
„Не е само возбудливо што биолошки систем може да игра Doom, туку и што може да се справи со сложеност, неизвесност и донесување одлуки во реално време“, вели професорот Ендру Адамаки од Универзитетот на Западна Англија.
„Тоа е многу поблиску до предизвиците со кои ќе мора да се соочат идните биолошки или хибридни компјутери“, додава Адамаки.