Најновиот квантен компјутер Helios, кој поставува нови стандарди во областа на квантната технологија, е комерцијално лансиран.
Компанијата Quantinuum го претстави својот најнов квантен компјутер, Helios, кој веќе е прогласен за најмоќниот квантен систем во светот. Технолошкиот гигант тврди дека Helios поставува нови стандарди во прецизноста, моќта и практичната примена на квантното пресметување.
Helios има 98 кјубити, речиси двојно повеќе од претходниот модел H2, и постигнува точност од 99,9%, што го прави најточниот квантен компјутер досега.
Според компанијата, Helios успеал да изврши симулации што би им одзеле на класичните суперкомпјутери околу 10 септилиони години, или 10²⁴ години.
И покрај неговите неверојатни перформанси, Helios троши енергија споредлива со обични data „rack“ во стандарден компјутерски центар.
Квантните компјутери, за разлика од класичните, користат кубити – честички кои можат да постојат во повеќе состојби истовремено благодарение на принципот на суперпозиција. Ова им овозможува да решаваат сложени проблеми кои се практично нерешливи за денешните компјутери.
Helios веќе се користи во истражувањата за суперспроводливост, помагајќи им на научниците да го моделираат однесувањето на електроните во материјалите што еден ден би можеле да овозможат пренос на енергија без загуби.
Quantinuum вели дека Helios не е само алатка за истражување, туку платформа за создавање нови научни откритија во области како што се науката за материјали, енергетиката и фармацијата.