Omega најави нов есенски Speedmaster Dark Side of the Moon, кој ќе дојде во четири нови верзии и со две различни нараквици.
Бидејќи ова се всушност четири нови часовници, еве еден брз поглед на секој од нив. Сите тие го имаат Omega Speedmaster Dark Side of the Moon во своите имиња, па затоа ќе го наведеме само името на конкретниот модел.
1. 9900
Ова е модел со целосно црно куќиште и рамка, со бели детали. Тоа е часовник кој има 60 часа автономија, датум на 6 и часови/минути за хронографот на 3. Во него чука Omega Co-axial Master Chronometer 9900.
Куќиштето е широко 44,25 mm и дебело 15,09 mm, а е отпорно на вода до 50 метри. Неговата цена е 13.470 евра.
2. Grey Side of the Moon
Сивата боја доминира во ова „скелетно“ издание со бели детали, и додека ширината останува иста, е значително потенка од претходниот модел – само 12,97 mm.
Според Omega, „скелетниот“ бројчаник е направен со помош на ласери, со мат завртки и дијамантска гравура. Внатре се наоѓа механизмот Co-Axial Master Chronometer 3869, а можна е и текстилна или гумена нараквица. Неговата цена е 14.070 евра.
3. Black Black
Ова е часовник со исти пропорции и автоматски механизам како 9900, но доаѓа во целосно црна верзија. Се нуди со текстилна или гумена нараквица, а чини од 13.800 евра па нагоре.
4. Black Red
Можеби изгледа слично на моделот Black Black, но има една суштинска разлика – ова е часовник со рачен механизам Co-Axial Master Chronometer caliber 9908.
Црвената боја се користи за натписот „Speedmaster“ и секундите и убаво се вклопува со црната позадина. Исто така, како и неговиот претходник, чини од 13.800 евра.