Руски сателитски систем ќе нуди широкопојасен пристап до интернет во сите делови од светот.
Русија наскоро ќе има свој сателитски систем сличен на американскиот Starlink, изјави генералниот директор на Роскосмос, Дмитриј Баканов.
За време на гостувањето во емисијата „Соловиев во живо“, Баканов објави дека наскоро ќе бидат достапни руски терминали, кои ќе обезбедат слична услуга како Starlink – широкопојасен пристап до интернет во сите делови од светот, објави ТАСС.
Системот Starlink, во сопственост на милијардерот Илон Маск и неговата компанија „SpaceX“, обезбедува глобален пристап до интернет.
Украинските војници, рече тој, активно го користат системот во борбени зони, а терминалите им ги обезбедиле нивните „западни сојузници“.
Вицепремиерот на Украина, Михаил Федоров, изјави дека украинските вооружени сили користат повеќе од 50.000 терминали на Starlink, а руските сили повеќе пати идентификувале и напаѓале станици на Starlink во Источниот воен округ, објави ТАСС.