Имаше многу шпекулации за тоа колку ќе чини GTA 6, а некои компании веројатно се надеваат дека ќе дебитира по цена од 100 долари за да можат и нивните игри да одат по таа цена.

Моменталниот максимум за цените на игрите е околу 80 долари (70 евра), но Штраус Зелник, извршен директор на Take-Two Interactive, не изгледа премногу ентузијастичен за зголемување на цената на GTA 6.

„Мислам дека нашиот пристап можеби ќе биде малку поинаков“, рече Зелник кога беше прашан за цената од 80 долари на GTA 6 за време на разговор со инвеститорите на Take-Two.

„Веруваме дека секое корисничко искуство е пресек на самата работа и она што сте го платиле за неа. Затоа, нашата цел е далеку да ги надминеме очекувањата. Сакаме да ја објавиме најдобрата забава во светот и сакаме да испорачаме поголема вредност отколку што наплаќаме за неа. Сметаме дека генерално добро го направивме тоа“, рече тој.

Зелник додаде дека „променливото ценообразување отсекогаш било карактеристично за индустријата“.

„Повеќето од најновите изданија ќе излегуваат по повисока цена, понекогаш со специјални изданија, а потоа со текот на времето цената обично се намалува за да се оптимизира за најголемиот можен пазар. И не мислам дека тоа ќе се промени наскоро… правилото е да се испорача поголема вредност отколку што наплаќаме“, рече тој.

Рис Елиот од Alinea Analytics изнесе сличен аргумент за тоа зошто објавувањето на GTA 6 за 100 долари е лоша идеја. Елиот сугерира дека GTA Online е вистинската „златна кокошка“ за франшизата и дека Rockstar не може да ризикува да ги отуѓи играчите кои се држеле до играта повеќе од една деценија.

Тој исто така забележа дека повисоката цена го зголемува ризикот играчите да се држат до GTA 5 наместо долгоочекуваното продолжение.

Grand Theft Auto 6 ќе биде објавен за PlayStation 5 и Xbox Series X/S на 26 мај 2026 година (освен ако повторно не се излажеме, бидејќи играта веќе е одложена неколку пати).