Google објави кратко промотивно видео во кое директно ја критикува Apple и нејзиното доцнење во воведувањето на вештачката интелигенција на iPhone-ите.

Тизер видеото, насловено како „Pixel 10 | Soon“, трае 30 секунди и користи минималистички тон за да сугерира дека Apple сè уште не ги испорачало функциите за вештачка интелигенција што ги најави во 2024 година со iPhone 16.

„Ако сте купиле телефон поради функцијата која доаѓа ‘наскоро’ и потоа чекате повеќе од една година – можеби е време да ја промените дефиницијата на зборот ‘наскоро’… или телефонот“, вели нараторот во видеото.

Во позадина свири инструменталот од песната „The Next Episode“ од Др. Дре, што многумина го сметаат за суптилна провокација, со оглед на тоа што Apple ја купи компанијата Beats, чиј еден од основачите беше Др. Дре, уште во 2014 година.

На крајот од тизерот е слоганот „Ask more of your phone“ и датумот на следниот голем настан на Google: 20 август 2025 година, кога се очекува официјалната премиера на новата генерација телефони Pixel.

Што носи Pixel 10?
Се очекува Google да претстави четири нови модели:

  • Pixel 10
  • Pixel 10 Pro
  • Pixel 10 Pro XL
  • Pixel 10 Pro Fold

Сите модели, според претходните информации, ќе користат нова верзија на асистентот Gemini AI, кој веќе овозможува напредни функции базирани на AI – за разлика од решението на Apple, кое сè уште е во тек.

Google очигледно ја користи можноста да добие предност пред настанот „Made by Google“ и дополнително да го промовира Pixel 10, потсетувајќи ги корисниците на iPhone дека ветените функции сè уште не се пристигнати.