SEGA конечно го потврди датумот на издавање на Football Manager 2026.

Според издавачот, играта ќе биде објавена „на есен 2025 година“, што значи некаде помеѓу октомври и декември. Тоа е голема промена од вообичаените ноемвриски изданија, но вреди да се напомене дека цела „сезона“ е прескокната, што значи дека FM25 воопшто нема да биде објавена.

FM24 веќе беше достапен на Game Pass, PlayStation Plus, па дури и Netflix, а SEGA јасно стави до знаење дека ќе биде достапен на повеќе платформи со FM26, објавува Football Manager Blog, повикувајќи се на информации од добро познати типстери.

Очекувајте FM26 на:

  • PC/Mac (како и секогаш)
  • Xbox и PlayStation
  • Мобилен и таблет
  • Game Pass, PlayStation Plus
  • Потенцијално нови cloud платформи (Amazon Luna, GeForce NOW, итн.)

Како што објаснува FM Console, SEGA одлучи целосно да го прескокне FM25. Следното издание – можеби само наречено Football Manager или FM26 – е дизајнирано да биде генерациски скок.

Што можете да очекувате?

  • Нов „енџин“ на играта (Unity)
  • Cross-platform saves (чување игри помеѓу различни платформи)
  • Подобрени алатки за модификација

Ако сè оди според планот, треба да очекуваме подобри визуелни ефекти, помазни перформанси и поголема конзистентност на сите уреди. Најавени се и попаметен „меч енџин“ подобар кориснички интерфејс и приказ на податоци, подобрувања на вештачката интелигенција и посилна поддршка за онлајн мултиплеер.