На 21 мај се одбележа 10-годишнината од The Witcher 3: Wild Hunt, а иднината на серијата повторно беше дискутирана.
Како што веројатно знаете, The Witcher 4 ќе има нов главен лик – наместо Гералт, неговата ученичка Цири, која делумно беше играчки лик во претходната игра, ќе ја преземе водечката улога.
Кога играта беше првпат претставена пред неколку месеци, The Witcher 4 беше пречекан со некои коментари со неодобрување за протагонистот.
Бидејќи вештерите обично секогаш се мажи, некои фанови почнаа да веруваат дека CD Projekt RED промовира некаков вид феминистичка агенда и дека The Witcher 4 ќе биде „woke пропаганда“.
Актерот Даг Кокл, кој го дава познатиот рапав глас на вештерот Гералт, сега проговори за ова. Кокл не ги штедеше зборовите за оние на кои им пречи што Цири е главниот лик во следната игра.
„Тоа е глупаво. Нема ништо „woke“ во тоа. Цири е кул лик, ќе се фокусираме на тој лик и тоа е одлично. Не можеме да го имаме Гералт во секоја игра засекогаш додека не ни здосади“, рече тој.
„Го видовме крајот на патувањето на Гералт – „Blood and Wine“ ја заврши таа приказна. Ја славам Цири и ми се допаѓа што таа е главниот лик. Сите вие што мислите дека е „woke“, прочитајте ги проклетите книги. Тие се добри“, рече Кокл.