Овие четири игри влегуваат во Куќата на славните за видео игри

Светската куќа на славните за видео игри ги објави новите членови за оваа година, а Тамагочи е меѓу нив.

Добивај вести на вибер

Светската куќа на славните на видео игри во Рочестер, Њујорк, ги објави своите нови членови за класата од 2025 година. Според „Дејли меил онлајн“, четири легендарни игри беа признати за нивниот придонес во индустријата низ историјата.

Овогодинешната класа ги вклучува следните четири наслови:

Defender – аркадна игра од 1981 година што ја подигна летвата за тежина;

Tamagotchi – дигитални миленици кои го обединија светот на играчките и видео игрите;

GoldenEye 007 – чијшто гејмплеј со четири играчи влијаеше врз бројни подоцнежни игри;

Quake – пукачка игра од 1996 година со револуционерен 3D мотор кој стана индустриски стандард.

Победниците беа избрани од 12 финалисти, меѓу кои беа наслови како што се Age of Empires, Angry Birds, Call of Duty 4: Modern Warfare, Frogger, Golden Tee, Harvest Moon, Mattel Football и NBA 2K.

Патем, Куќата на славните годишно им оддава почит на аркадни, конзолни, PC, преносни и мобилни игри кои покажале долговечност и имале значително влијание врз индустријата за видео игри или популарната култура, па затоа е веројатно дека некои од горенаведените ќе се најдат на таа листа во одреден момент.