Платформата X избегнуваше објавување податоци за бројот на корисници во Европа, а сега знаеме зошто.
Иако Законот за дигитални услуги (DSA) бара од платформата X да објавува извештаи за своите резултати во Европа, оваа социјална мрежа избегнува да ги објавува.
Сепак, како што се приближува рокот за објавување на резултатите, дознавме дека X бележи пад од 10,5% во Европската Унија од август минатата година.
Платформата наводно изгубила 11 милиони корисници во Европа од објавувањето на претходниот извештај.
X забележа најголем пад на корисниците во Франција, каде што има 2,7 милиони помалку корисници отколку во претходниот извештај. Следуваат Полска, каде што е забележано намалување од 1,8 милиони, Германија (-1,3 милиони) и Шпанија (минус еден милион).
Треба да се напомене дека X сè уште има повеќе од 500 милиони месечни активни корисници, но оваа статистика потврдува дека X сигурно не добива нови корисници како што тврди Елон Маск.
Маск, откако објави дека xAI ја купува платформата X, тврдеше дека X сега има 600 милиони месечни активни корисници, што е зголемување во однос на 570-те милиони корисници што Маск ги објави дека X ги имал во јули минатата година.