Филмот Minecraft заработи рекордни 157 милиони долари (околу 143,2 милиони евра) на американските бокс офиси во трите дена од премиерата.
Тој филм заработил 144 милиони долари (околу 131,3 милиони евра) во странство во исто време, објавува „Лос Анџелес Тајмс“.
Во филмот, кој е базиран на видеоиграта од 2011 година, главните улоги ги играат Џејсон Момоа, Џек Блек и Џенифер Кулиџ.
Ова е филм кој го освои првото место во категоријата филмови кои се адаптации на видео игри.
Досега, првото место го држеше филмот „Супер Марио“ од 2023 година, кој заработи 146,4 милиони долари (околу 133,5 милиони евра).
Покрај ова достигнување, Minecraft е и првиот филм годинава што заработил повеќе од 100 милиони долари во САД.